Kusini Kwetu

Na Vincent Mpepo, Bagamoyo

Mratibu wa Manunuzi, Daudi Sospeter akifafanua jambo wakati wa kikao kazi cha tatu cha tathimini ya maendeleo ya mradi wa magezi ya kiuchumi unaofadhiliwa na Benki ya Dunia kilichoanza leo Wilayani Bagamoyo, Mkoa wa Pwani. (Picha na Vincent Mpepo, OUT).

Wanataaluma wa Chuo Kikuu Huria cha Tanzania wametakiwa kufikiri namna bora ya matumizi ya rasilimali majengo yatakayopatikana kupitia mradi wa mageuzi ya kiuchumi unaofadhiliwa na Benki ya Dunia ili kuwa na uhusiano wa moja kwa moja kati ya taaluma na maendeleo ya kiuchumi nchini..

Wito huo umetolewa leo na Mratibu Mkuu wa Mradi huo wa chuo hicho Profesa Deus Ngaruko katika  siku ya kwanza ya kikao kazi cha siku tatu kinachoendelea Mkoani Pwani Wilaya ya Bagamoyo na kuwahusisha waratibu wa mradi katika idara zote na wakurugenzi wa vituo vya chuo hicho ambao mradi huo utafanyika katika vituo vya mikoa wavyoviongoza.

Alisema wanataaluma kwa ujumla wao wanapaswa kufikiria miradi endelevu yenye tija kwa kuongeza thamani na kuzalisha bidhaa na hudumua endelevu ambazo zitasaidia kuwa na progamu za kitaaluma zenye uhusiano wa moja kwa moja na ajira ili kuwa na  wahitimu watakaoweza kujiajiri mara baada ya kuhitimu.

“Vyuo vikuu vinatakiwa kuwa chachu ya maendeleo kupitia programu mbalimbali ambazo zitasaidia kuandaa wahitimu wenye ujuzi wa vitendo”, alisema Profesa Ngaruko.

Mratibu wa Kituo cha Mkoa cha Chuo Kikuu HurIa cha Tanzania cha Mtwara, Mhadhiri Msafiri Njoroge alisema wamepokea mawazo hayo na kubainisha kuwa mazingira na muktadha wa kila mkoa unaweza kutoa fursa tofauti na mikoa mingine.

“Kwa asili ya muktadha wa maeneo ya vituo hivyo tunaweza kubuni miradi midogomidogo itakayotumia taaluma kupata pesa”, alsima Dkt.Njoroge.

Aidha alishauri kuwepo kwa mwendelezo wa majadiliano na ushirikishwaji na mahusiano mazuri kati ya wakurugenzi wa vituo vya chuo hicho na timu ya watekelezaji ili kupata matokeo mazuri zaidi kiutekelezaji.

Mratibu Msaidizi wa Mradi huo chuoni hapo, Mhandisi, Dkt. Timothy Lyanga alisema katika utoaji wa kandarasi za mradi huo masuala ya kisheria yamezingatiwa ikiwemo kuwa na makubaliano ambayo yanaweka bayana majukumu ya watekelezaji mradi huo katika kila hatua.

Chuo Kikuu Huria cha Tanzania ni moja ya taasisi za elimu ya juu kinachotekeleza mradi wa miaka mitano wa magaeuzi ya kiuchumi kupitia ufadhili wa Benki ya Dunia wenye lengo la kukuza elimu ya juu, kukuza uchumi na kujenga uwezo wa vyuo vikuu ili kuchangia katika maeneo muhimu ya uvumbuzi, maendeleo ya kiuchumi ikiwemo uwekezaji katika uimarishaji wa miundombinu ya ufundishaji, utafiti na kuendeleza wahadhiri kitaaluma.

Na Mwandishi Wetu

Kamanda wa Polisi Mkoa wa Pwani Kamishna Msaidizi Mwandamizi wa Polisi, Pius Lutumo Leo 17 Februari 2024 ameshiriki kutoa elimu ya haki jinai katika Kanisa la Pentekoste Kibaha ikiwa ni sehemu ya elimu kwa jamii (ushirikishwaji jamii) katika kutatua  uhalifu na wahalifu.

Kongamano hilo lililoandaliwa  na Pwani Pastors Network na Pastors Fellowship Kibaha maili moja, kamanda Lutumo alisema kuwa jukumu la viongozi wa dini ni kuhakikisha jamii inaishi kwa kufuata sheria na maadili mema yanayofundishwa na wachungaji katika nyumba za ibada ambapo wao ndio  viongozi.

Akifafanua juu ya mada hiyo kamanda alisema ni vema zaidi kushukuru kwa Mungu juu ya uumbaji wetu kuliko kuomba kila siku huku akisema chanzo cha uhalifu na wahalifu ni jamii kukosa maaadili yanayochochea vijana kuwa wezi, vibaka, majambazi au hata wauaji katika maeneo mbalimbali kwa lengo la kujinufaisha na kujipatia kipato kwa njia zisizo halali.

Alisema viongozi wa dini wanapaswa kukemea jamii kutofanya vitendo vya kihakifu kupitia mahubiri huku wakisisitiza matendo mema.

Kamanda Lutumo alisema serikali kupitia Kamati ya Haki Jinai iliyoundwa mwaka 2023 na Rais wa Jamhuri ya Muungano wa Tanzania Mh Daktari Samia Suluhu Hassan ikiongozwa na Jaji Mstaafu Chande Othman ilikusudia kusaidia jamii kupitia Jeshi la polisi kwa kuboresha utendaji wa kazi kwa kuongeza vitendea kazi, kuboresha hali ya maisha kwa kujenga nyumba za askari na kuwapandisha vyeo.

Sanjali na hayo kamati ilitoa maelekezo juu ya utolewaji wa dhamana kwa kila mtuhumiwa anapofikishwa kituo cha Polisi.

“Ubambikiaji kesi uishe maana unawakosesha haki wananchi”, alisema Kamanda Lutumo.

Kamati ilielekeza  ilisema dhamana ni haki ya kila mtuhumiwa na itolewe pasipo masharti magumu na vikwazo, maana  imekuwa tabia ya watu kupelekana Polisi kwa makosa ya kawaida yanayoweza kusuluhishwa na viongozi wa kijamii pasipo kufika Polisi.

Alisema utolewaji wa dhamana utapunguza mlundikano wa mahabusu walio na makosa yenye dhamana katika vituo vya Polisi

Na Vincent Mpepo, OUT-Songea

Wakristo wametakiwa kuacha wivu kwa kuwa una matokeo mabaya yanayoweza kuleta atahari hasi na uharibufu katika jamii hivyo kutenda dhambi.

Wito huo umetolewa na Padre Guntram Hongo wakati wa mahubiri siku ya Jumamosi katika Kanisa Katoliki, Kigango cha Nambehe Parokia ya Msalaba Mkuu Jimbo Kuu la Songea wakati wa ibada ya kumwombea Marehemu Thobias Komba.

Alisema wivu mbaya hurudisha nyuma maendeleo ya jamii kwa mtu mmoja mmoja, hufarakanisha na ni dhambi.

“Wivu mbaya huleta matokeo mabaya na athahari zake daima ni hasi”, alisema Padre Hongo.

Alisema wivu ni dhambi ambayo inaweza kutendwa na mtu yeyote awe Askofu, Padre, Mtawa au muumini na hivyo kuwataka wakristo kuishi maisha yenye kumpendeza Mungu.

Kwa upande wake, Wilhem Komba alisema wivu una tabia ya kuwafanya watu kuchukia mafanikio ya wengine au kufurahia kushindwa kwa wengine kitu ambacho wakati mwingine ni kikwazo cha maendeleo siyo tu kwa mwenye mafanikio hata mwenye wivu.

“Wivu ni kuzuizi cha maendeleo na mafaniko ya mwenye wivu na wengine”, alisema Komba.

Alisema baadhi ya athari za wivu ni pamoja na mtu kushindwa kujifunza mambo mema kwa waliofanikiwa badala yake kuishia kufurahia anguko au kushindwa kwa wengine kitu ambacho hakina faida chanya.

Msemaji wa Familia Jordan Komba aliwashukuru ndugu, jamaa na marafiki walioshiriki katika ibada ya kumwombea Marehemu na kwamba wamekuwa faraja wakati wote tangu wakati wa homa mpaka alipopatwa na umauti.

Matukio katika picha: Baadhi ya ndugu, jamaa na marafiki wlioshiriki katika ibada ya kumuombea Marehemu Thobias Komba siku ya Jumamosi katika Kanisa Katoliki, Kigango cha Nambehe, Parokia ya Msalaba Mkuu, Jimbo Kuu la Songea(Picha na Vincent Mpepo).

Na Vincent Mpepo, OUT

Watanzania wametakiwa kujenga utaratibu wa kupima afya mara kwa mara ili kuwa na uhakika wa maendeleo kiafya badala ya kusubiri  vipimo wakati wa homa.

Wito huo ulitolewa na Daktari Julius Mchelele kutoka Kliniki ya Path Labs wakati wa tukio la ufunguzi wa mbio za Marathoni lilioandaliwa na Umoja wa Vijana wa Chuo Kikuu Huria cha Tanzania jijini Dar es salaam na kuhudhuriwa na wakazi wengi wao vijana.

“Watu walijitokeza kwa wingi na wamepima afya zao”, alisema Dkt.Mchele

Aliushukuru uongozi Uongozi wa vijana wa Chuo Kikuu Huria cha Tanzania kwa kuwaalika katika tukio hilo na kuwataka kuendelea na ushirikiano huo kwa matukio mengine kwa wakati ujao.

Alisema chagamoto kubwa kwa baadhi ya washiriki wa mbio hizo baada ya vipimo ni shinikizo la damu la juu na la chini ambalo linatokana na mtindo wa maisha na masuala ya ulaji.

Kwa upande wake, Mtaalamu wa Damu, Kitengo cha Damu-Muhimbili, Richard Massam alisema mwitikio siyo mbaya kwa kuwa wapo minongoni mwa washiriki waliojitokeza kutoa damu huku akiwakumbusha watanzania kuendelea kuchangia damu kutokana na mahitaji makubwa.

 “Ili kuokoa wagonjwa wenye uhitaji wa damu ni lazima binadamu mwingine akubali kuchangia damu”, alisema Massam.

Alisema kitengo chake huwa kina matukio ya kukutanisha watu ya mara kwa mara ili wanaokubali wachangie damu kutokana na ukweli kuwa hakuna kiwanda cha kuzalisha damu.

“Ninaomba ambao wapotayari waungane nasi kwa siku zote mitaani, shuleni na nyumba za ibada ili tuendelee kuokoa uhai wa wahitaji wa damu”, alisema Massam

Mwenyekiti wa Taasisi ya Eduthon Elite Suuport, Anwari Said alisema dhima ya taasisi yake ni kuhakikisha inatengeza na kushirikisha vijana fursa mbalimbali za kuchumi, kijamii na kisiasa ili waweze kujikwamua.

Mshauri katika masuala ya uongozi na utawala ambaye pia ni Mhadhiri wa Chuo Kikuu Huria cha Tanzania, Dkt. Emmanuel Mallya alisema vijana wanatakiwa kuwekeza katika afya zao kwa kuwa ndio mtaji wa kwanza kabla ya vitu vingine.

“Usifikirie cheo kwanza kwa kuwa utachanganyikiwa na kupata msongo wa mawazo na kuhisi wanapendeleana”, alisema Dkt.Mallya.

Ufunguzi wa mbio hizo za Marathoni ni maandalizi ya uzinduzi wa mbio zitakazofanyika 04 May, 2024 zenye lengo la kukusanya pesa ili kusaidia wanafunzi wa chuo hicho ambao wanashindwa kuendelea na masomo kutokana na kukosa ada.

Na Vincent Mpepo, Morogoro

Mkuu wa Kitivo cha Sanaa na Sayansi za Jamii cha Chuo Kikuu Huria cha Tanzania amewashukuru wafanyakazi wawakilishi wa idara za kitivo hicho na kuwataka kuendelea kufanya kazi kwa bidii kwa manufaa ya idara, kitivo na chuo kwa ujumla.

Mtiva, Dunlop Ochieng alitoa kauli hiyo juzi Mjini Morogoro wakati akifungua kikao kazi kwa wawakilishi wa idara mbalimbali za kitivo hicho huku wito wake ni kuwataka kuendelea kufanya kazi kwa juhudi na maarifa.

 “Nawashukuru kwa kuja na kuendelea kufanya kazi licha ya changamoto mbalimbali”, alisema Mtiva Ochieng.

Aidha alisema kumekuwa na changamoto katika nyaraka za kitivo na chuo ambazo zina maelekezo na gharama ambazo zinatofatiana kitu ambacho inabidi wawakilishi hao wakifanyie kazi ili kuwa na taarifa sahihi na za uhakika.

Mratibu wa Uwasilishaji tafiti wa Kitivo hicho, Dkt. Ladisalus Batinoluho alimshukuru Mtiva kwa kuwaamini na kuwapa jukumu hilo na kwamba hawatamuangusha ili kuhakikisha kazi hiyo inafanyika kwa weledi.

“Hata kama kutakuwa na marekebisho tupo tayari kuyafanya ili mwisho wa siku malengo ya kazi hii yafikiwe”, alisema Dtk.Batinoluho.

Mwakilishi wa Kitengo cha Udhibiti Ubora cha Chuo Kikuu Huria cha Tanzania, Mhadhiri Msaidizi Janeth Gwimile aliema anashukuru kitivo hicho kwa kuonesha njia ya kuhakikisha kunakuwa na taarifa za uhakika na kwamba kitengo chake kushirikishwa ni jambo muhimu kwa kuwa kimekuwa kikisisitiza masuala ubora kama sehemu ya majukumu yake.

Kwa upande wake, Mhadhiri Emmanuel Msangi alimshukuru Mtiva kwa uamuzi wake na kwamba wapo tayari kuendelea kujifunza ili kuhakikisha kila kitu kinafanyika kwa ubora.

Mtaalamu wa Usanifu wa maandishi na machapisho, Thomas Kilumbi alisema kitivo hicho kimeonseha njia kwa kumshirikisha katika hatua za awali ambapo anaweza kufanya kazi hizo kwa kushirikiana na wahusika na kujua mahaitaji yao na wakati mwingine kushauri namna bora zaidi.

Na Vincent Mpepo, Morogoro

Washarika wa Kanisa la Kiinjili la Kilutheri Tanzania (KKKT ) Usharika wa Mji Mpya Jimbo la Morogoro wametakiwa kuwa makini na wahubiri wanaojulikana kwa majina ya mitume na manabii kwa kuwa wakati mwingine siyo wote wana karama za uponyaji kama wanavyojinasibu.

Tahadahari hiyo ilitolewa na Mchungaji wa KKKT Usharika wa Mji Mpya Jimbo la Morogoro, Sifu Dunia wakati wa mahubiri katika ibada ya kwanza katika usharika huo leo na kuwataka kusoma na kulielewa neno la Mungu.

Alisema neno la Mungu halihitaji msaada wowote kwa kuwa linajitosheleza hivyo wakisoma na kuelewa itakuwa siyo rahisi kurubuniwa na mahubiri ya mitume na manabii ambao wakati mwingine huwapotosha wakristo.

“Tusiwe wavivu kusoma neno la Mungu vinginevyo tutapokea vitu vya ajabu kwa kutegemea uponyaji na kufunguliwa”, alisema Mchungaji Sifu.

Aliwataka washarika kutofanya mzaha na neno la Mungu kwa kuwa lina nguvu ambayo huleta matokeo kwa kadiri ya maombi na mapenzi yake.

“Tuache mzaha na neno la Mungu kwani kufanya hivyo ni utani na Mungu mwenyewe”, alisema Mchungaji Sifu.

Aidha aliwakumbusha washarika kumalizia ahadi za mwaka 2023 na kwamba kila mmoja ashiriki kwenye sadaka ya fungu la kumi ambayo itafanyika kila Jumapili ya mwisho wa Mwezi.

“Kama Mungu hajakubariki usitoe kitu”, alisema Mchungaji Sifu.

Na Vincent Mpepo, CKHT

Wafanyakazi  wa Chuo Kikuu Huria cha Tanzania wamekumbushwa kukamilsha ujazaji wa mfumo wa upimaji na ufuatiliaji wa malengo na shabaha ujulikanao kwa jina la PEPMIS leo 27/01/2024.

Wito huo ulitolewa jana na Mkurugenzi wa Rasilimali Watu na Utawala wa chuo hicho, Francis Badundwa wakati wa mafunzo ya mafunzo ya uingizaji wa malengo ndani ya mfumo wa PEPMISulifanyika jana katika ukumbi wa chuo kikuu huria cha Tanzania kwa ana kwa ana na njia ya mtandao kwa wafanyakazi walio nje ya Dar es salaam.

Alisema ni muhimu kila mfanayakazi ahakikishe amejaza taarifa zake kwenye mfumo huo ili kutoenda kinyume na maagizo ya serikali amabyo inamtaka kufanya hivyo.

Akitoa mafunzo kwa wakuu wa vitivo, wakurugenzi na wakuu wa idara mbalimbali za chuo hicho Ramadhan Kauzen alisema mfumo huo una tofati na OPRAS kwa kuwa una vitu vya ziada ambavyo havikuwepo kwenye OPRAS.

Alisema alisema mfumo wa PEPMIS ni tofauti na OPRAS kwa kuwa unatoa fursa na mawanda mapana kwa mwajiriwa kuweka malengo na shabaha zinazopimika tofauti na mfumo wa OPRAS.

“Kwenye mfumo wa PEPMIS hata sehemu ya majukumu mengine utakayopangiwa na viongozi unaweza kuyaweka na yakapimika”, alisema Kauzen.

Alisisitiza wakuu wa vitivo, wakurugenzi, wakuu wa iadara na viongozi wengine kuwakumbusha wanaowasimamia kujisajikli na kujaza taarifa zao ili wasikose mshahara Mwezi February.

Na Vincent Mpepo, OUT

Serikali imetakiwa kuweka mazingira wezeshi kwa taasisi zake ili kuwa namna nzuri ya kutekeleza majukumu kwa taasisi, wakala na mashirika yake ili kuepusha changamoto za mafunzo ya zimatoto katika mambo yake na kufanya vitu vyenye tija kwa maslahi ya umma.

Wito huo umetolewa na wafanyakazi wa Chuo Kikuu Huria cha Tanzania kufutia mafunzo ya Mafunzo ya uingizaji wa malengo ndani ya mfumo wa PEPMIS jana ambayo makataa yake yakiwa ni leo 27/01/2024.

Wakizungumza kwa nyakati tofauti wakati wa mafunzo hayo baadhi ya watumishi wamesema uanzishwaji wa mambo mapya au programu mpya lazima uangalie muda na ratiba za taasisi pamoja na mafunzo ili kufanya utekelezaji uwe mwepesi kwa watumishi.