Kusini Kwetu

Na Mwandishi Wetu, Mbeya

Mahakama ya Wilaya ya Mbeya imemhukumu Reiga Innocent (21), mchimbaji wa madini na mkazi wa Iwindi, Mamlaka ya Mji wa Mbalizi, mkoani Mbeya, kifungo cha miaka 30 jela baada ya kumtia hatiani kwa kosa la kumbaka shangazi yake mwenye umri wa miaka 63.

Hukumu hiyo ilitolewa Oktoba 13, 2026, na Hakimu wa mahakama hiyo, Tedy Mrimba.

Ilielezwa mahakamani hapo kuwa mshtakiwa alitenda kosa hilo Agosti 29, 2026, majira ya jioni, baada ya kufika nyumbani kwa mhanga ambaye wakati huo alikuwa peke yake. Inadaiwa kuwa mshtakiwa alimshika kwa nguvu kabla ya kumbaka.

Mwendesha Mashtaka wa Serikali, Imelda Luko, aliiomba mahakama kutoa adhabu kali kwa mshtakiwa ili iwe fundisho kwake na kwa watu wengine wenye tabia kama hiyo, kwa lengo la kukomesha vitendo vya ukatili katika jamii.